Nabaizaleok / Iritzia

Nabaizaleok@wordpress.com

Cava plastikozko edalontzietan

Euskalerria Irratia

 

Cava plastikozko edalontzietan. Hala ageri dira gaurko argazkian Artur Mas eta lagunak, eskuineko besoa burutik gora altxatuta, adar bakarreko arbolak balira bezala, eta adar horren puntaren puntan fruitua: plastikozko edalontzi zuria cavaz lepo.

Herrietako festetan tragoa plastikozko edalontzian ateratzen digutenean muzindu egiten zaigu aurpegia. Ba Catalunyako hauteskundeetan irabazle izan direnek ez dute beirazko kopa finik behar izan garaipena ospatzeko.

Ez dute hartu, Formula-1eko pilotoek, podiumera igotzen diren ziklistek edo loteria suertatu zaienek egiten duten bezala, cavazko dutxa.

BERRIAko kronikak dioenez, ezkerreko taldeen artean cava botilak zabaldu dituzten bakarrak, Laportaren Solidaritatekoak izan dira. Talde horretako Gironako burua Toni Strubell da. Errenterian bizi da, Deustuko Unibertsitatean klaseak eman ditu urtetan, katalan hizkuntza irakatsi du Donostiako Espai Catalunya Topalekuan eta ekintzaile porrokatua izan da Salamancako Artxiboko paperak eskuratzeko Duintasunaren Komisioan.

Baditu Strubellek pare bat liburu galdu ezinezkoak: “Honaino iritsi gara” izenekoa, hau da Catalunya Espainiarekin zergatik dagoen higuinduta azaltzen duen lana eta “Un català entre bascos”, gure herria katalanei ulertarazteko idatzitako liburua, eta euskaldunoi ere hainbat gauza ulertarazten diguna, umore finez blai.

Nahikoa arrazoi  Strubellekin topa egiteko, plastikozko edalontzian baldin bada ere.

diciembre 1, 2010 Posted by | Euskalerria Irratia | , , , , , | Deja un comentario

«Euskal Herria independentea balitz, hobeto biziko ginateke»

Iñaki Gerenabarrena. EAJren Araba Buru Batzarreko presidentea

Krisialdi egoera honetan burujabetzaren gaia mahai gainean jartzea gero eta garrantzitsuagoa dela uste du EAJko ABBko buruak, eta ekonomia aldetik «Espainian egotea» ez dela komenigarria iritzi dio.

EAJko zenbait kide tartean harrapatu dituen ustezko ustelkeria kasuan EAJ ez dagoela nahastuta ziurtatu du Iñaki Gerenabarrenak (Gasteiz, 1962). Araba Buru Batzarraren egoitzan hartu du BERRIA. Sigue leyendo

mayo 10, 2010 Posted by | Iñaki Gerenabarrena | , , , , , , | Deja un comentario

Basagoitiren adierazpen basatiak

Antonio Basagoitik nahiko luke euskal preso guztiek, eta Otegik «aurrena», gose greba «azkeneraino» eramatea. «Arazo bat gutxiago», horixe besterik ez litzateke izango Basagoitirentzat. Ez dago esplikatzen hasi beharrik gose greba azkeneraino eramateak zer esan nahi duen, Basagoitik bere hitzen arabera zer desio duen. Adierazpenak ez ditu Manos Limpias edo Dignidad y Justicia elkarteko bozeramaile arduragabe batek egin, ezta Europako Legebiltzarrera erbesteratutako politikari beterano eta aho bero horietako batek ere, ezta herri galdu bateko zinegotzi despistatu batek ere. Adierazpen populista eta mendekati horiek Eusko Jaurlaritzari babes erabakigarria ematen dion alderdiko buruzagi nagusiak egin ditu, Patxi Lopez lehendakariaren bazkide garrantzitsuenak.

Imanol Murua Berrian

enero 9, 2010 Posted by | Imanol Murua | , , | Deja un comentario