Nabaizaleok / Iritzia

Nabaizaleok@wordpress.com

Lasaitasunez erabiltzen duzu Facebook?

Xabier Irizar Zu zeu albistarian

 

Beste behin, Facebooken pribatutasuna zalantzan dago. Facebooken programatzaileek publizitate enpresei eskaini dizkiete berriki erabiltzaileen datuak, hala nola sareko kideen lagunen izen eta abizenak, nahiz eta erabiltzaile horiek beren profileko informazioa teorikoki erabilera pribaturako itxia izan. Hau da, zure Facebookeko lagunen profiletatik zuri buruzko informazioa bidaltzen aritu liteke Facebook publizitate enpresei -edo hori ordaintzeko prest dagoenari- eta zure profiletik zure lagunei buruzko informazioa. Facebookek ez du onartu informazio hori, baina filtrazio posible horiek saihesteko teknologia zorrozten ari dela jakinarazi du.

The Wall Street Journalek eta Frankfurter Allgmeine Sonntagszeitung bi ikerketaren ondorioak argitaratu dituzte asteburu honetan, eta salatu dute gaur egun oraindik gutxienez bi zulo ilun dituela Facebookek erabiltzaileen pribatutasunari dagokionez. Batetik, erabiltzaileen informazio pribatua (adina, bizilekua, lanbidea eta argazkiak) berriki gutxienez 25 konpainiari zabaldu izana, eta bestetik, Facebooken erabiltzaile ez direnek erabiltzaile badirenen datuak eskuratzeko aukera izatea, komunitate birtualean izen faltsu batekin erregistratu eta beste erabiltzaile baten korreoko helbide batekin datu pertsonalak ikus litezkeena salatu du egunkari alemaniarrak. Bi kasuetan, Facebookek erabiltzaileen pribatutasun eskubidea urratuko luke. Alemanian dagoeneko hasi dira aztertzen praktika horren zilegitasuna, Kontsumo eta Justizia sailetatik.

Facebookek pribatutasun eskubidea urratzen duelako sare hori utzi nahi baduzu, jakizu ezinezkoa dela. Aurrerantzean erabilgarri izango ez duzun arren, orain arte zure kontuan zintzilikatu den guztia sarean geldituko da, Facebookek deuseztea erabaki ezean. Erregistratzean birtualki onartu zenuen Pribatutasun Akordioak dio Facebookek duela erabiltzeak sare horretan sorturiko informazio eta ezarritako irudi guztien jabetza esklusibo eta betierekoa.

The Wall Street Journalen arabera, Farmville (59 milioi erabiltzaile), Texas HoldEm Poker eta The Frontier Ville sareen erabiltzaileen datuak dira, Facebookenarekin batera, publizitate konpainiek gehien eskatzen dituztenak.

Hala ere, sare sozialak bere leloarekin jarraitzen du: “Facebook pertsonek elkarrekin interaktuatzeko tresna seguru eta fidagarria da, eta horregatik, milioika pertsonek eurei buruz modu erosoan adierazteko hautua egin dute”.

 

 

octubre 19, 2010 - Posted by | xabier Irizar | , ,

Aún no hay comentarios.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s

A %d blogueros les gusta esto: